طريقة تحضير كيش بالدجاج والفطر كيجي لذيذ و سهل بالصور
بالنسبة للعجينة:
- 200غ دقيق
- 80غ زبدة مقطعة و تكون خفيفة
- ملعقة زيت البلدية
- ملح و ابزار
- ماء بارد
طريقة تحضير :
في اناء نخلطو جميع المقادير إلا الماء حتى نحصلو على عجين مرمل ثم نضيفو الماء البارد و نخلطو جيدا حتى نحصلو على عجينة متماسكة و نديروها في البلاستيك الغذائي و نحتفظو بها في الثلاجة
الحشوة:
- 1/2 كيلو دجاج أو لا داند مقطع طريفات صغار
- 2 بصلات متوسطين
- علبة فطر
- معدنوس
- تحميرة
- فرماج محكوك
الكريمة:
- 3 بيضات
- 4معالق حليب
- 4 معالق ياغورت مسوس
- ملح و ابزار و شوية الكوزة محكوكة
طريقة تحضير :
نطلقو العجينة نديروها في المول و نثقبوها مزيان بالفورشيط ( أنا هاد المقادير عطاتني قياس المول الكبير و 3 صغار )
نشحرو البصلة مع الزيت و الملح و الابزار و نديرها فوق العجين
و فنفس المقلاة نقليو الدجاج مع زيت الزيتون و الملح و الابزار ,حتى يقرب يطيب و نزيدو الفطر
وملي يطيب كلشي نزيدوه فوق البصلة
نخلطو جميع مكونات الكريمة و نخويوها فوق الكيش
نرشو الفرماج محكوك و شوية ديال المعدنوس مقطع والتحميرة و ندخلوه لفرن
بالصحة والراحة
التدوينة طريقة تحضير كيش بالدجاج والفطر كيجي لذيذ و سهل بالصور ظهرت أولاً على مجلة لالة مولاتي.نت.